Ka ndryshuar pamje, festa e Halloween “zbarkon” në Shtëpinë e Bardhë

Ka ndryshuar pamje, festa e Halloween “zbarkon” në Shtëpinë e Bardhë

E cilësuar si një ndër festat më popullore në SHBA, festa e Halloween nuk kishte si të mungonte në Shtëpinë e Bardhë.

Fëmijë, familje ushtarakësh dhe grupe rinore kanë mbushur Shtëpinë e Bardhë me maska dhe kostume festash.

Çifti presidencial, Donald dhe Melania Trump shpërndanë ëmbëlsira hallowini dhe pozuan në foto me fëmijët.

Shtëpia e Bardhë ndërkohë ishte mbushur me rrjeta merimangash, lakuriqë nate dhe merimanga të mëdha të zeza që vareshin nga kollonat.

Një tapet portokalli zëvendësoi atë të kuq dhe kunguj dekorativë zbukuronin hyrjen. Mesa duket "Shtëpia e Politikës" ka marrë një pamje shumë festive ditën e sotme. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.