KANOSI ME THIKË NËNËN DHE BASHKËSHORTEN, NGJARJA NË PRANI TË FËMIJËS SË MITUR

KANOSI ME THIKË NËNËN DHE BASHKËSHORTEN, NGJARJA NË PRANI TË FËMIJËS SË MITUR

Një rast i rëndë është raportuar në një familje në Fiershegan të Lushnjës, ku djali ka kanosur me thikë nënën dhe bashkëshorten e tij.

Policia e qytetit myzeqar, në njoftimin e shpërndarë për mediat, raporton se Blerim.Q, 38 vjeç, kanosi me thikë nënën dhe gruan, në prani edhe të fëmijës së mitur.

Policia thotë se “arrestimi i këtij shtetasi u bë pasi në banesë, në prani të fëmijës së mitur ka kanosur me thikë nënën e tij, shtetasen S.Q, 59 vjeçe dhe bashkëshorten, shtetasen F.Q, 29 vjeçe.

Materialet i kaluan Prokurorisë pranë Gjykatës së Shkallës së Parë Lushnje për veprat penale "Dhunë në familje" dhe "Prodhimi, mbajtja, blerja apo shitja pa leje e armëve të ftohta". /k.k/noa.al/

Foto ilustruese

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.