10-vjeçari i kërkoi lëmoshë shoferit, ai e mbyll në kazanin e plehrave dhe largohet

Foto ilustruese

Një ngjarje e pazakontë ka ndodhur pasditen e sotme në kryeqytet në zonën e “Mylym Shyrit”.

Burime nga Bashkia Tiranë bëjnë me dije se policia bashkiake ka gjetur të mbyllur në një kosh mbeturinash një fëmijë 10-vjeçar të komunitetit rom.

Sipas atyre që janë mësuar deri më tani, fëmija u mbyll me forcë në koshin e plehrave nga drejtuesi i një automjeti pasi i kishte kërkuar atij lëmoshë.

10-vjeçari u dërgua në komisariatin nr. 2 të Tiranës dhe policia po punon për identifikimin e autorit.