Ajola Xoxa më në fund jep lajmin e shumëpritur

Ajola Xoxa më në fund jep lajmin e shumëpritur

Ajola Xoxa, ka vendosur të shpalosë talentin e saj në regji dhe më në fund do të kemi mundësi të shohim punën e saj, e cila do të jetë në bashkëpunim me këngëtaren e njohur, Miriam Cani.

Kjo e fundit ka lajmëruar se shumë shpejt do të publikojë këngën e saj më të re “Meteor”, për realizimin e së cilës është përkujdesur bashkëshortja bukuroshe e kryebashkiakut të Tiranës, Ajola.

“Po pres me padurim që të gjithë të shohin këtë. Projekt i ri me Miriam Canin. Më në fund jetësova qiellin e natës plot me yje shumëngjyrësh që kam patur gjithmonë në ëndërr”, shkruan Ajola krah postimit të saj.

Prej disa kohësh Ajola Xoxa ka qëndruar larg shfaqjeve në publik, ndërsa tashmë ajo vjen për herë të parë si regjisore.

Këngën dhe videoklipin e plotë do të mund ta shikoni vetëm në datën 20 nëntor, por nga ana e saj Miriami ka publikuar trailerin e këngës. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.