KJO ËSHTË GREKJA QË VRAU SHQIPTARIN, BABA TË DY FËMIJËVE TË MBETUR JETIMË

KJO ËSHTË GREKJA QË VRAU SHQIPTARIN, BABA TË DY FËMIJËVE TË MBETUR JETIMË

Kjo femër që shikoni në fotot që ju sjell noa.al, është 26-vjeçarja që i mori jetën të riut shqiptar duke e masakruar me thikë, vetëm e vetëm sepse ai iu ankua në 1 të natës se bënte shumë zhurmë me muzikën e lartë në shtëpinë ngjitur.

Pasi u arrestua nga policia greke, e dyshuara e pranoi krimin dhe tha se ishte penduar për atë që bëri.

“Më falni, nuk doja”, – u shpreh ajo për vrasjen me thikë të 35-vjeçarit Valdol Loka, emigranti shqiptar që jetonte në Kretë të Greqisë prej vitesh me gruan dhe dy fëmijët e tyre një shtatëvjeçar dhe një bebe vetëm 15-muajsh, me vdekjen e të atit, të mbetur jetimë.

Sot (e diel), e dyshuara u dërgua me pranga në gjykatë ku u vendos që të lihet në burg pa afat.

Pranë gjykatës ka reaguar me klithma, gruaja e Valdonit.

“Pse e liruat pse, që të vriste tim shoq”, – thirri ajo plot dhimbje, të qara me dënesë dhe irritim, për faktin se më herët, e dyshuara e krimit ishte arrestuar një ditë para se të vriste Valdonin, nën akuzën e vjedhjes dhe disa orë më vonë ishte lënë e lirë nga gjykata. Mësohet se kriminelja narkomane, kishte peshkuar me njoftim në internet për takim intim një shtetas grek të cilin më pas e kishte plaçkitur por ai e kishte denoncuar dhe ajo u prangos, por vetëm për disa orë.

Policia pohoi se e dyshuara ishte narkomane dhe qarkullonte me dy thika në brez, me njërën prej të cilave i mori jetën emigrantit të pafajshëm nga Shqipëria.

Në fotot dhe video që noa.al ju sjell më poshtë shikoni të dyshuarën, të ndjerin dhe bashkëshorten e tij si dhe të afërm e të njohur të tyre. /a.b/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.