OBJEKT MISTERIOZ MBI QIELLIN E LONDRËS

OBJEKT MISTERIOZ MBI QIELLIN E LONDRËS

Një objekt misterioz dhe i shndritshëm është fiksuar nga kamerat teksa ka kaluar në qiell mbi aeroportin Heathrow, në Londër.

E gjithë kjo ka ndodhur pak sekonda përpara se një avion të ulej duke i bërë pamjet e filmuara edhe më të jashtëzakonshme.

Video është publikuar nga Daily Mail dhe në të shihet drita e fortë që lëviz me shpejtësi drejt shtëpive, pak para se avioni i madh të ulet.

Sipas Dauly Mail, nuk dihet ende nëse kemi të bëjmë me një meteor apo send tjetër nga hapësira që ka kaluar atmosferën.

Po aq e paqartë sipas tabloidit britanik është edhe distanca që ka pasur objekti nga avioni që po ulej, çka do të mund të kishte sjellë një aksident ajror me përmasa tragjike. (e.c/noa.al)

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.