Dosja “Habilaj”, deputetja socialiste tregon të vërtetën lidhur me thirrjen në Prokurori

Dosja “Habilaj”, deputetja socialiste tregon të vërtetën lidhur me thirrjen në Prokurori

Gjatë ditës së sotme u raportua në media se deputetja e Partisë Socialiste, Elona Gjebrea është marrë në pyetje nga Prokuroria e Krimeve të Rënda në lidhje me hetimet që kanë nisur për Saimir Tahirin dhe “Habilajt”.

Por në një reagim për ‘News 24’ ajo ka mohuar duke thënë se “nuk është e vërtetë se unë jam thirrur në prokurori për të dëshmuar”.

Ndërsa burimet kanë pohuar se ajo është thirrur në cilësinë e ish-zëvendësministres së Brendshme.

Elona Gjebrea ka mbajtur këtë detyrë deri në maj të këtij viti, kohë kur u kandidua për deputete në listën e PS për Tiranën.

Ajo ka shërbyer si zv.ministre për tre vite e gjysmë, kohë kur ky institucion drejtohej nga Saimir Tahiri.

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.