Debate në Komisionin e Ekonomisë, Braçe përplaset me Spahon

Debate në Komisionin e Ekonomisë, Braçe përplaset me Spahon

Mbledhja e Komisionit për Ekonominë dhe Financat është shoqëruar me debate mes deputetëve të mazhorancës dhe opozitës. Deputetët e opozitës kanë kërkuar informacione nëse ndryshimet në paketën fiskale do të shoqërohen me efekte financiare shtesë.

Kreu i komisionit, Erjon Braçe tha se analiza bëhet në bazë të ndryshimeve të tregut. "Mirë është që t'i kurseni aludimet për këtë rast. Pra duhet të paraqisni argumente", u shpreh Braçe.

Por debati ka marrë tjetër rrjedhë, kur Braçe ironizoi bashkimin e PD me LIS, teksa tha se tani PD është martuar me një tjetër forcë politike.

Spaho: Ai ministri rrogën e 30 vite të ketë mbledhur nuk e blen dot tokën. Ndaj duhet të fillojë hetimi pasuror.

Braçe: Do ta dënoj me çdo gjë. Ky rast do të ndëshkohet me përgjegjësi penale.

Spaho: Këto janë skandaloze.

Braçe: Nuk do luajmë lojën e PD, që tani është martuar me një tjetër forcë politike.

Spaho: Po lëri këto, po ti kur u martove.

Braçe: Thashë bashkëjetesë.

Tabaku-Bushati: Mos u shqetëso për PD, por ju duhet të mblidhni mendjen. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.