I hynë në shtëpi me forcë, dy të mitur i bëjnë gjëmën fqinjit të tyre

I hynë në shtëpi me forcë, dy të mitur i bëjnë gjëmën fqinjit të tyre

Dy djem të mitur janë vënë nën akuzë, pasi kanë hyrë me thyerje në banesën e fqinjit të tyre.

Bëhet fjalë për dy djem 12-vjeçarë me iniciale K. U., dhe A. Q., banues në Shkodër.

Ata akuzohen se në orën 10:00 të paradites së të hënës, në fshatin Bleran, kanë vjedhur me thyerje banesën e shtetasit N. L., 74 vjeç.

Ata kanë marrë në shtëpinë e bashkëfshatarit 1200 dollarë, me të cilat kanë blerë katër telefona celularë, dy ora dore dhe u kanë mbetur edhe 52 mijë lekë të reja.

Shuma e parave dy fëmijëve iu gjetën të fshehura afër tunelit të fshatit Rrencë, të cilat u sekuestruan me cilësinë e provës materiale.

Ndaj të dyshuarve për shkak të moshës së mitur nisën hetimet në gjendje të lirë, ndërkohë që materialet iu referuan Prokurorisë së Shkodrës për ndjekje të mëtejshme. /a.y/noa.al

Foto ilustruese

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.