Itali, kapet shqiptari me kokainë dhe marijuanë

Itali, kapet shqiptari me kokainë dhe marijuanë

Kishte fshehur në makinë plot 31 kilogramë marijuanë, ndërsa në shtëpi iu gjet lëndë narkotike kokainë.

Policia italiane ka arrestuar këtë të hënë 41-vjeçarin shqiptar Vladimir Kapaj, si dhe bashkëpunëtorin e tij italian Agatino Piano 39 vjeç.

Ata akuzohen për trafik të lëndëve narkotike, ndërkohë që operacioni për kapjen e tyre u zhvillua në Siçili në provincën e Misterbianco.

Kapaj u prangos pasi nga kontrolli në makinën tip “Opel” u gjetën tre thasë me 31 kilogramë marijuanë.

Më tej nga kontrolli i bërë në banesën e tij u gjet 850 gramë kokainë. Mësohet se 41-vjeçari shqiptar lëndën narkotike po ia dorëzonte italianit, kur u kapën në kushtet e flagrancës.

Sipas hetuesve italianë lënda narkotike e sekuestruar do të sillte një fitim prej afro 160 mijë euro. /a.y/noa.al

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.