Shpërthen karrotreci në Sarandë, policia flet për ngjarje të qëllimshme

Shpërthen karrotreci në Sarandë, policia flet për ngjarje të qëllimshme

Një automjet ka shpërthyer në flakë gjatë natës së lënë pas, teksa ka qenë i parkuar pranë një servisi në Sarandë.

Rreth orës 01:50 të natës duke zbardhur e enjtja, në lagjen Nr.1., pranë një servisi, ka marrë flakë një mjet karrotrec.

Policia ka shkuar pranë vendit të ngjarjes dhe nga verifikimi paraprak ka rezultuar se mjeti karrotrec në pronësi të A.M., 34 vjeç, banues në Gjashtë, ka qenë i parkuar përpara servisit të tij.

Si pasojë e flakëve të zjarrit ka marrë dëmtime në rrotën e parë të kahut të majtë të mjetit.

Dyshohet se zjarrëvenia ka qenë e qëllimshme, pasi nga këqyrja e kamerave është vënë re një person i cili është afruar pranë servisit.

Aktualisht grupi hetimor po punon për zbardhjen e plotë të ngjarjes dhe identifikimin e kapjen e autorit. /a.y/noa.al

Foto ilustruese

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.