Po montonte ashensorin, bie nga lartësia dhe vdes një person

Po montonte ashensorin, bie nga lartësia dhe vdes një person

Një i ri në Durrës ka gjetur vdekjen mesditën e kësaj të enjte teksa është rrëzuar nga një lartësi prej disa metrash.

Burime policore bëjnë me dije se ngjarja e rëndë ka ndodhur rreth orës 12:50, në lagjen Nr. 14, Shkozet të Durrësit.

Mësohet se viktimë ka mbetur 28 vjeçari me inicialet O. F., i cili në kohën e aksidentit ka qenë duke montuar ashensorin në një pallat në ndërtim e sipër kur ka rënë nga lartësia.

Menjëherë pas aksidentit i riu është dërguar me urgjencë në spitalin rajonal të Durrësit por fatkeqësisht ka ndërruar jetë duke mos i rezistuar dot plagëve të marra.

Policia dhe grupi hetimor në vendngjarje po punojnë për sqarimin e plotë të rrethanave të ngjarjes. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.