Rama zbret në terren gjatë natës për përmbytjet, shfaqet përkrah Xhelal Mziut

Rama zbret në terren gjatë natës për përmbytjet, shfaqet përkrah Xhelal Mziut

Mbrëmja e kësaj të premte e ka parë të zbresë sërish në terren Kryeministrin Edi Rama, lidhur me situatën e rëndë të përmbytjeve në të cilën ndodhet vendi.

Shefi i qeverisë ka shkuar gjatë mbrëmjes në Kamëz, ku është shfaqur përkrah kryebashkiakut të PD Xhelal Mziu.

Ky i fundit e ka informuar Ramën për situatën e rëndë në Kamëz, ku mbi 200 familje janë prekur për shkak të përmbytjeve nga bllokimi i kolektorëve.

Të dy zyrtarët kanë inspektuar nga afër situatën e rënduar në një pjesë të mirë të zonave përreth Kamzës.

Kryeministri Rama shoqërohej nga ministrja e Mbrojtjes Olta Xhaçka dhe prefektja e Tiranës, kolonelja Suzana Jahollari. (e.c/noa.al)

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.