Injektoi vaj në muskuj për t’i fryrë, rrezikon t’ia presin krahët

Ky është Kirill Tereshin, 21 vjeçari nga Rusia, i cili ka injektuar kimikate sintetike në krahët e tij për t’u dukur me muskuj të mëdhenj.
Tashmë doktorët i kanë thënë se ai është në rrezik të madh. Përzjerja e lidocainës, alkoolit, dhe vajit të ullirit i njohur si “synthol”, mund t’i shkaktojë mbytje, embolizëm dhe dëmtim të nervave.

Doktorët janë të shqetësuar dhe i japin një parashikim se çfarë do pasojë në të ardhmen. Ata deklarojnë se të riut mund të duhet që t’i priten krahet si pasojë e disa litrave synthol që ai ka injektuar në krahë.

Koktejli vrasës që ai ka injektuar në trup do të qëndrojë në muskujt e tij për 5 apo 7 vitet në vijim, edhe nëse ai ndalon së përdoruri sërish këtë koktejl.

Kirill gjithashtu rrezikon të paralizohet përveç prerjeve të krahëve që do jetë e domosdoshme që të jetojë.

Synthol është i ligjshëm por i rrezikshëm, ndërsa djaloshi tregon se ka kursyer shumë para falë injektimeve që ka krijuar vetë.

Qëllimi i tij është që të arrijë të fitojë një milion folloëers në Instagram.

Ai shpjegon se nëse do injektonte synthol duke e blerë, do i kushtonte atij rreth 5,000 paund, por duke qënë se i miksoi vetë përbërësit, atij i kushtuan vetëm 50 paund.

Kirill shprehet se:

“Nuk ndjeva probleme kur e injektoja, trupi im u mësua shpejt. Brenda një muaji mora 106,000 subscribers në Instagram. E adhuroj të bëhem i famshëm.”

Ai gjithashtu deklaron se po e merr në konsideratë një ofertë për t’u bërë një yll i filmave porno.