Aksident me një të vdekur dhe dy të plagosur, makina kthehet përmbys

Aksident me një të vdekur dhe dy të plagosur, makina kthehet përmbys

Një person ka humbur jetën, ndërsa dy janë lënduar në një aksident rrugor që ndodhi në orët e para të mëngjesit të sotëm.

Ngjarja u regjistrua në autostradën Gradsko – Veles, kur një automjet, tip BMË, u përmbys në rrugë.

Sipas të dhënave, aksidenti ka ndodhur në orën 4:00 në rreth 500 metra pas stacionit të pagesës Gradsko, në të cilin “BMW” me targa të Shkupit, i drejtuar nga L.I., 26 vjeç, ka humbur kontrollin e mjetit, dhe për pasojë ka kaluar në anën e majtë të rrugës, duke u përmbysur.

“Në automjet si bashkudhëtarë kanë qenë persona E.E.(24) nga Gostivari, i cili ka vdekur në vendin e ngjarjes, ndërsa A.O.(20) nga Gostivari dhe një grua e panjohur, kanë marrë lëndime dhe janë dërguar në Qendrën mjekësore në Veles”, njofton policia. /k.k/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.