Aksident me tre automjete të përplasura, ka të lënduar

Aksident me tre automjete të përplasura, ka të lënduar

Dita ka nisur keq këtë të shtunë në Tiranë. Një aksident, në të cilin janë përfshirë tre automjete, ka ndodhur mëngjesin e sotëm në afërsi të aeroportit të vetëm në vend.

Siç mund ta shikoni edhe nga fotot e postuara nga JOQ, tre automjete janë përplasur mes tyre, ndërsa dëshmitarët në vendngjarje bëjnë me dije se si pasojë janë plagosur disa persona që po udhëtonin në automjet.

Në tre automjetet, gjithsej udhëtonin katër persona, tre të rritur dhe një fëmijë rreth 13- vjeç, të cilët janë lënduar si pasojë e aksidentit. Policia ka shkuar me njëherë në vendngjarje ndërsa disa minuta më pas edhe autoambulanca.

Deri më tani nuk ka një njoftim zyrtar nga Policia e Tiranës në lidhje me këtë aksident.

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.