Dashamir Shehi: 15 deputetë të PS kanë mbjellë kanabis

Dashamir Shehi: 15 deputetë të PS kanë mbjellë kanabis

Disa deputetë socialistë të Kuvendit të Shqipërisë, janë kultivues kanabisi në vend dhe shumë shpejt pritet që të dhënat e tyre të publikohen.

Është kjo ajo që u deklarua nga deputeti Dashamir Shehi në emisionin “Arena” në Ora News.

Ai ftoi deputetët socialistë të distancohen nga mbrojtja e tyre, pasi ata do të dalin.

“Gjykoj që për këtë situatë sa i përket kësaj bote kriminale, do të ftoja edhe shumicën e socialistëve që janë të ndershëm. Unë nuk mendoj se Fate Velaj (i ftuar në studio) mbjell drogë, por pasha Zotin janë nja 10-15 deputetë… Do ta shihni që do të dalin. Do t’i dëgjoni. Mos kujto se është ndonjë nder i madh”, tha Shehi.

Deklarata e vij vjen në një moment kur akuzat për trafik droge ndaj ish-ministrit të Brendshëm, Saimir Tahiri nuk kanë të ndalur. /a.y/noa.al

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.