Digjet në rrethana të mistershme një automjet

Digjet në rrethana të mistershme një automjet

Një automjet është djegur në rrethana të mistershme teksa ka qenë i parkuar.

Ngjarja ka ndodhur herët në mëngjes, ende pa zbardhur e marta në qytetin e Vlorës.

Rreth orës 04:35, salla operative Vlorë është njoftuar nga një telefonatë se në lagjen “24 Maji”, është djegur një mjet.

Në vendngjarje kanë shkuar shërbimet policore të cilët kanë konstatuar mjetin tip “Mercedes Benz” të djegur plotësisht, në pronësi të shtetasit A.L., 30 vjeç.

Grupi hetimor po punon për zbardhjen dhe përcaktimin e plotë të djegies së këtij mjeti.

I zoti i mjetit ka thënë se makina nuk ka pasur probleme, duke bërë që hetuesit të dyshojnë për zjarrvënie të qëllimshme. /a.y/noa.al

Foto ilustruese

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.