Kuriozitete
Drerët filmohen duke kërcyer nga ura, habiten dëshmitarët e këtij momenti rrëqethës
Shoferët e veturave në një autostradë në Iowa të SHBA-ve ishin dëshmitarë të një momenti rrëqethës, kur drerët kapërcejnë rrethojat mbrojtëse dhe kërcejnë nga ura.
Catherine Veerhusen e cila ka postuar videon e këtij incidenti në Facebook, ka deklaruar se kjo ngjarje e tmerrshme ka ndodhur rreth orës 15:15 gjatë të dielës, derisa ajo dhe bashkëshorti i saj po lëviznin me veturë nëpër një autostradë, transmeton Telegrafi.
Në video shihen drerët duke vrapuar nëpër rrugë, dhe më pas duke kërcyer rrethojën mbrojtëse për të përfunduar të ngordhur poshtë urës.
“Kurrë diçka të tillë nuk kisha parë më herët. Nuk kam fjalë”, ka deklaruar dëshmitarja Des Moines Register.
Ndërkaq, Veerhusen ka treguar se si drerët fillimisht po qëndronin në anën e kundër të urës, dhe për një moment filluan të vrapojnë pa ndonjë shpjegim.
