Dyshime të forta për një UFO në Siberi

Dyshime të forta për një UFO në Siberi

Dyshime të forta për praninë e një objekti të paidentifikuar (UFO) janë hedhur orët e fundit pasi u pa një shtëllungë gjigante e rrumbullakët që ndriçonte qiellin për disa minuta në Siberinë Veriore.

Objekti i panjohur i tronditi banorët e zonës.

Autoritetet ruse thanë zyrtarisht se nuk kanë informacion të ishte një UFO, duke sugjeruar se mund të bëhet fjalë për një shfaqje dritash qiellore e njohur edhe si aurora e veriut.

Disa ekspertë të shkencës së studimit të UFO-ve sugjerojnë se mund të bëhet fjalë për një objekt të tillë.

Të tjerë hedhin dyshime të forta se objekti mund të ishte gjurmë e një rakete testuese e ushtrisë ruse.

Një rast i ngjashëm ishte evidentuar edhe në dhjetorin e vitit 2009 në Norvegji.

Pamjet e mëposhtme foto dhe video japin më shumë qartësi mbi atë që u pa në Siberi, ndër vendet më të ftohta dhe më pak të banuara të botës. /noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.