Eli Fara: Nuk është mirë të bëhesh nënë në moshë të re

Eli Fara: Nuk është mirë të bëhesh nënë në moshë të re

Këngëtarja Eli Fara ka qenë e ftuar paraditen e së mërkurës në emisionin ‘Wake Up’, ku ndër të tjera ka folur rreth çështjeve profesionale, por edhe për ato personale.

Përveç muzikës, ajo foli edhe për jetën personale veçanërisht për vajzën Marinën.

E pyetur në lidhje me marrëdhënien me të bijën, këngëtarja u shpreh se ato janë mjaft të lidhura.

Ajo tha se për këtë sigurisht ka ndikuar edhe fakti që ajo ka qenë shumë e re kur Marina ka ardhur në jetë.

“Kam qenë vetëm 18 vjeçe kur lindi Marina. Nuk është mirë të bëhesh nënë në moshë kaq të re. Megjithatë me kalimin e viteve, i thua vetes se ke bërë mirë”, u shpreh e prekur këngëtarja e njohur shqiptare.

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.