Familjet shqiptare të prekura nga përmbytjet në Greqi, deputeti apel për ndihmë qeverisë

Familjet shqiptare të prekura nga përmbytjet në Greqi, deputeti apel për ndihmë qeverisë

Deputeti i Partisë Demokratike, Tritan Shehu ishte në Athinë ku vizitoi nga afër dhjetra familje shqiptare të dëmtuara rëndë nga përmbytjet e ditëve të fundit në Greqi.

Përpara banorëve, Shehu shprehu ngushëllimet për viktimat dhe solidaritetin me familjet e prekura nga përmbytja.

“Fillova këtë vizitë pune në Athinë me takimin me bashkëatdhetarët e përmbytur e të dëmtuar rëndë në Mandra. Ishte një fatkeqësi shumë e rëndë natyrore, që bëri të humbin shumë jetë njerëzish, si dhe solli dëme të pa llogaritshme materiale për të gjithë, greke e shqiptare. Ngushëllimet më të thella për viktimat! Të gjithë solidaritetin të dëmturve nga Kryetari Basha, nga PD, dhe nga unë personalisht”, tha Shehu.

Duke parë situatën e rëndë, Shehu bëri apel për ndihmë nga qeveria shqiptare për familjet shqiptare që ndodhen në vështirësi, për tejkalimin e kësaj situate të vështirë.

“Është e domosdoshme edhe një mbështetje akive e konkrete nga Shteti Shqiptar si dhe institucione të ndryshme tonat. Kryqi i Kuq i Shqipërisë mund të luajë një rol të rëndesishëm në tejkalimin e këtyre pasojave shkatërrimi e vuajtjeje për ata qytetarë. Shpresoj që normaliteti të kthehet sa më shpejt në Mandra”, tha Shehu. (e.c/noa.al)

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.