Kuriozitete
Imuniteti i Tahirit, Balla shpjegon pse faza përfundimtare e Këshillit mbahet me dyer të mbyllura
Imuniteti i Tahirit, Balla shpjegon pse faza përfundimtare e Këshillit mbahet me dyer të mbyllura
Anëtari socialist i Këshillit për Mandatet, Rregulloren dhe Imunitetin, Taulant Balla shpjegoi arsyen se pse faza përfundimtare e mbledhjes për imunitetin e deputetit Saimir Tahiri, është me dyer të mbyllura, pas kundërshtive të shprehura nga deputetët demokratë.
Ai tha se në këtë fazë hartimi i raportit përfundimtar që i shkon Kuvendit, zhvillohet me dyer të mbyllura, duke kujtuar se në 26 vjet kjo pjesë e mbledhjes së këtij Këshilli ka qenë gjithmonë e mbyllur.
Balla përmendi seancat e deputetëve nën akuzë, ndër vite, të kaluar në këtë rrugë.
Në këtë drejtim shtoi se nëse do të ketë dy qëndrime, Këshilli i paraqet raportet në seancën më të parë, pas mbledhjes së këshillit e cila përkon me të mërkurën.
“Votën e keni në seancë, atje do e shprehni, në bazë të një raporti apo dy raportesh, apo një raport me dy qëndrime që do dalë në seancë”, u shpreh ai.
Balla tha se edhe grupi parlamentar i Partisë Socialiste, po pret që deputetët e vetë në Këshill të qartësohen mbi gjithë çka ka paraqitur organi i akuzës.
Në këtë drejtim tha se asnjë nga deputetët e Partisë Socialiste nuk është avokat dhe as palë akuzuese, por përfaqësues të Kuvendit.
Ai deklaroi në mbyllje se, “Ne do i krijojmë drejtësisë të gjitha kushtet që ky hetim të shkojë deri në fund”. /a.y/noa.al
LSI deklaron votën: Pro heqjes së imunitetit për Tahirin. Alibeaj: Xhindet kanë dalë nga shishja
“Imuniteti”, Tahiri: Kjo është estradë! Fton për dëshmitarë Berishën e Metën
“Imuniteti” Tahiri: S’lëviz nga Shqipëria asnjë cm. Pritet vendimi, mbledhja me dyer të mbyllura
“Imuniteti”, Tahiri: Nuk pranoj pranga politike në duar
Alibeaj: Nuk e donte imunitetin, pse ndërroi mendje? Avokati befason! Tahiri: Dua prova
“Imuniteti”, Avokati i Tahirit hedh poshtë akuzat e Prokurorisë: Ja pse nuk qëndrojnë
“Imuniteti”, avokati i Tahirit: Kërkesa e Prokurorisë e paligjshme, s’ka prova të lidhjes mes Habilajt
Sot vendimi për imunitetin, shihni si u prit Tahiri te Kryesia e Kuvendit
Imuniteti i Tahirit, nis mbledhja e Këshillit, prokurori: Kemi prova të reja
www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.