Imuniteti i Tahirit, Vasili: Trafikantët e drogës u ligjëruan si parti në pushtet

Imuniteti i Tahirit, Vasili: Trafikantët e drogës u ligjëruan si parti në pushtet

Dita e sotme pritet të vendosë për fatin e ish-ministrit të Brendshëm, Saimir Tahiri, ku Këshilli për Mandatet, Rregulloren dhe Imunitetin do të marrë vendim nëse do i heqë imunitetin, çka do të çonte në arrestimin e tij për trafik droge.

Por ndërsa në mbledhje u dëgjua pala mbrojtëse, kryetari i grupit parlamentar të Lëvizjes Socialiste për Integrim ka një mesazh të fortë.

“Çfarë mbrojtje që po i bëhet drogës, trafikantëve e banditëve politikë si dhe të gjithë kriminelëve, pa iu skuqur hiç faqja në mes të parlamentit. Trafikantët e drogës u ligjëruan sot si parti politike në pushtet në Shqipëri”, shkruan Vasili në Facebook.

Aktualisht Këshilli po vijon mbledhjen me dyer të mbyllura, dhe në orët në vijim pritet të dilet me vendim. /a.y/noa.al

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.