Ju refuzua kërkesa për azil, riatdhesohen qindra shqiptarë

Ju refuzua kërkesa për azil, riatdhesohen qindra shqiptarë

Rreth 218 persona janë kthyer sot në Shqipëri, pasi tentuan, por pa sukses të merrnin azil në vende të ndryshme të BE-së.

Siç shikohet edhe në videon e mëposhtme, ata janë rikthyer mbrëmjen e kësaj të mërkure nga vendet e BE-së, ku janë pritur nga Policia e Shtetit.

Sipas të dhënave të Policisë, 88 prej tyre janë deportuar nga Gjermania me avion të posaçëm, pasi kishin abuzuar me kërkesa për azil.

Ndërsa , 130 të tjerë janë kthyer me vullnetin e tyre nga Franca.

Në një prononcim të shkurtër për mediat, pas mbërritjes së shqiptarëve, Drejtoresha e Departamentit të Kufirit dhe Migracionit, Aida Hajnaj theksoi edhe një herë se ka zero mundësi për shqiptarët që të fitojnë azil në vendet e BE-së.

Prandaj u kërkoi qytetarëve shqiptarë, që të respektojnë rregullat e lëvizjes së lirë në zonën Schengen. (e.c/noa.al)

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.