KËNGËTARJA E NJOHUR ZBULON SEKRETIN, TREGON POSTIN QË KA NË PARLAMENT

KËNGËTARJA E NJOHUR ZBULON SEKRETIN, TREGON POSTIN QË KA NË PARLAMENT

Këngëtarja Rosela Gjylbegu zbuloi sot përmes emisionit “Rudina”, pozicionin e ri që mban në Parlament.

Ajo tashmë është shefe protokolli.

“Unë kam 9 vjet që punoj në parlamnt. Mundohem të bëj një punë me dinjitet dhe përgjegjësi. Protokolli është një formë arti pasi kërkon shumë vëmendje dhe shkathtësi”, tha këngëtarja.

Gjylbegu gjithashtu rrëfeu arsyen se përse daljet e saj në publik janë të rralla.

“Një pjesë e mirë e artistëve nuk e gjejnë veten në atë që po ndodh në realitetin tonë përsa i përket pjesës artistike. Por, unë që në në filimet e mia kam dashur të bëhem një artiste e mirë dhe të kemë respektin e publikut.

Mendoj se e kam arritur dhe mundohem ta ruaj atë nivel. Nuk kam dashur asnjëherë të luaj apo të bëj kompromise për të qenë në skenë. Kjo është arsyeja përse i kam të seleksionuara daljet e mia.

I bëj me një lloj strategjie. Kam dëshirë që publikut ti mungoj, mendoj se është më mirë kur del rrallë, saktë dhe në festival që kanë vlerë. Jam munduar të ruaj një lloj standari dhe të ruaj profilin serioz”, tha Gjylbegu.

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.