Korçari del në ballkon, vë duart në kokë kur shikon tmerrin që ndodhte poshtë këmbëve të tij

Disa ditë më parë raportuam një skandal të vërtetë që ndodhte në qytetin e Korçës, ku nga pamjet që erdhën pranë redaksisë së JOQ.al viheshin re kafshë të therura, të cilat ishin ngarkuar në një kamionçinë dhe të pambuluara, mes pluhurit të qytetit, udhëtonin në rrugët e Korçës.

Ditën e sotme e njëjta situatë është përsëritur. Ka qenë një qytetar i Korçës, ai që ka bërë një foto skandaloze, e cila e ka bërë të mendojë dy herë nëse do të konsumojë sërish mish në vendlindjen e tij apo jo.

Edhe në këtë foto vihet re se si derrkucë të vegjël janë therur, rrjepur e janë hedhur pa asnjë lloj kujdesi dhe higjiene mbi dyshemenë prej alumini të një automjeti. Më të vërtetë e shpifur kjo skenë, kur mendon se nga ky mish mund të hamë të gjithë, në mos kemi ngrënë dhe nuk e kemi kuptuar.

Thirrja si përherë, shkon për Autoritetin e Kontrollit Ushqimor, i cili nëse do të funksiononte siç duhet e nëse do të kishte nxjerrë në terren inspektorët e vet, të tilla probleme do të ishin shmangur.