Ndodh në Itali, përdhunohet në pyll 81-vjeçarja

Një e moshuar 81-vjeçare është përdhunuar mëngjesin e së mërkurës në një nga rrugët e pyllit të Bruzzano-s, në periferinë veriore të Milanos në Itali.

E moshuara kishte dalë në mëngjes të bënte pazar dhe pastaj në një nga rrugët pa shumë kalimtarë në pyll, një i huaj i është afruar për ta ndihmuar t’i mbante qeset që kishte në duar. Por ai e ka futur me dhunë në zonën mes pemëve dhe ka ushtruar dhunë seksuale ndaj saj.

Pas përdhunimit, e moshuara kishte arritur të kërkonte ndihmë dhe më pas një ambulancë e dërgoi në spitalin e Niguardas.

Mjekët verifikuan se ajo ishte përdhunuar. Policia italiane ka nisur hetimet për identifikimin dhe kapjen e agresorit.