PARANDALOHET NGJARJA E RËNDË BRENDA BURGUT TË LEZHËS

PARANDALOHET NGJARJA E RËNDË BRENDA BURGUT TË LEZHËS

Një ngjarje e rëndë ka ndodhur brenda ambienteve të burgut të Shënkollit në Lezhë, ku një i burgosur ka tentuar t’i japë fund jetës.

Fatmirësisht oficerët e burgut kanë ndërhyrë në kohë, duke parandaluar ngjarjen e rëndë.

Sipas të dhënave zyrtare, ngjarja ka ndodhur mesnatën e së shtunës, rreth orës 00:25, ku i burgosuri me iniciale A.N. ka tentuar vetëvrasjen duke u varur me çarçaf.

Menjëherë kanë ndërhyrë forcat e policisë, të cilët e kanë transportuar atë për në spital, dhe ku mësohet se është jashtë rrezikut për jetën.

Deri më tani nuk dihen arsyet që e kanë detyruar të burgosur të ndërmarrë aktin fatal. Sakaq, hetimet e para të policisë, hedhin dyshime se depresioni mund të jetë shkaktari kryesor.

Kjo pasi nuk është hera e parë që të burgosurit tentojnë vetëvrasjen, si shkak i depresionit që mund të kenë mbyllur brenda në qeli. (e.c/noa.al)

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.