“Po negociohet për transferimin tim”, Jashanica zbulon të ardhmen

“Po negociohet për transferimin tim”, Jashanica zbulon të ardhmen

Bajram Jashanica e ka nisur nga stoli, takimin ndaj Dinamos së Kievit, pasi sapo është rikthyer nga një dëmtim që e mbajti jashtë fushave të lojës për disa ditë.

Qendërmbrojtësi është futbollisti i radhës i cili pritet të shitet nga klubi korçar.

Në një deklaratë për “Supersport”, ai pranon se është në bisedime, për një largim në merkaton e janarit.

“Është e vërtetë që po negociohet për shitjen time. Nuk kam pse e fsheh, të gjithëve na pëlqen një aventurë në Evropë”, ka deklaruar Jashanica.

“Është ende herët për të treguar një emër konkret, por kam besim se klubi im i ardhshëm do të jetë në Rusi apo Belgjikë”.

Skënderbeu fitoi mbrëmjen e sotme me rezultatin 3-2 përballë Dinamos së Kievit.

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.