Pranga të riut, ju gjetën 2 doza kanabisi në trup dhe 58 të tjera në shtëpi

Pranga të riut, ju gjetën 2 doza kanabisi në trup dhe 58 të tjera në shtëpi

Një i ri është shoqëruar në policia pasi u kap me dy doza kanabis sativa, gjatë një kontrolli policor.

Ai është Rafael Kapja, 25 vjeç, nga Elbasani, i cili u ndalua nga efektivët e këtij qyteti.

Policia sqaron se “gjatë kontrollit fizik të ushtruar, i janë gjetur dy paketime qesesh ambalazhi plastik me ngjyrë të zezë, të mbyllura me djegie, të mbushura me material bimor të thatë të dyshuar me lëndën narkotike “Cannabis Sativa”.

Por nuk përfundon me kaq. Grupi hetimor ushtroi kontrolle edhe në banesën e tij ku gjetën dhe sekuestruan 58 doza me lëndë narkotike të dyshuar “Cannabis Sativa”.

Materialet i kaluan Prokurorisë pranë Gjykatës së Shkallës së Parë Elbasan për veprime të mëtejshme për veprën penale "Prodhimi dhe shitja e narkotikëve”. /k.k/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.