Reshjet e dendura, ja si paraqitet situata në vendin tonë

Reshjet e dendura, ja si paraqitet situata në vendin tonë

Situata për shkak të reshjeve të shiut sa vjen e përkeqësohet në vendin tonë.

E ndërkaq Policia e Shtetit jep të dhëna se si paraqitet situata deri në keto momente në vendin tonë.

Si pasojë e intensitetit të lartë reshjeve të shiut, aksi rrugor Kardhiq -Gjirokastër kalohet me vështirësi pasi ka dalë uji në rrugë tek pika e Viroit.

Aksi Fushë Krujë-Laç kalohet me vështirësi pasi përballë lokal Arbëria në Fushë-Krujë ka dale lumi në rrugë.

Rruga e Ndroqit për në Durrës tani është drejt bllokimit për shkak të ujit që po bllokon rrugën në disa pika.

Të dyja krahët e autostradës Tiranë-Durrës janë të pakalueshme.

Nga Durrësi për te ardhur ne Tirane drejtuesit e mjeteve te qarkullojne ne aksin Durres-Vore-Rinas-Laknas-Kames.

Akset e tjera për momentin janë të kalueshme pa probleme.

Policia e Shtetit ka kaluar në gadishmëri të përforcuar.

Të gjitha Repartet e FNSH, Tiranë, Shkodër e Fier, janë angazhuar në mbështetje të Policive lokale për t'ju ardhur në ndihmë njerëzve në nevojë.

Sipas Policisë së Shtetit, Policia Rrugore është 100% në rrugë në të gjitha akset rrugore.

Po sipas saj Policia e Rendit ka shtuar patrullat të cilat janë në gadishmëri për të ndërhyrë në rast nevoje.

Policia e Shtetit njofton se po bashkëpunon ngushtësisht me Emergjencat Civile, Ushtrinë, Zjarrfikësit dhe ARRSH për të menaxhuar situatën./a.k/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.