Shpërthim eksplozivi në një biznes në Krujë

Shpërthim eksplozivi në një biznes në Krujë

Një shpërthim eksplozivi ka tronditur sot fshatin Nikël të Krujës, ku një dyqani i është vendosur lëndë eksplozive.

Ngjarja ka ndodhur pak pas mesnate, rreth orës 01:05 në fshatin Zezë, Njësia Administrative Nikël.

Sipas burimeve policore mësohet se lënda eksplozive i është vendosur dyqanit ushqimor të 57 vjeçarit Gëzim Meta.

Nga shpërthimi fatmirësisht nuk ka njerëz të lënduar, ndërsa janë shkaktuar vetëm dëme të vogla materiale.

Mësohet se kjo është e dyta herë që të njëjtit objekt i vihet lëndë plasëse. Grupi hetimor po punon për identifikimin e autorit dhe zbardhjen e plotë të ngjarjes.

Materialet kaluan Prokurorisë së Rrethit Gjyqësor Krujë për veprime të mëtejshme për veprën penale “Shkatërrimi i pronës me eksploziv. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.