Të zotët e shtëpive në emigrim në Greqi, i riu korçar u bën gjëmën

Të zotët e shtëpive në emigrim në Greqi, i riu korçar u bën gjëmën

Një person i dyshuar për së paku pesë vjedhje në banesa është vënë në prangat e policisë.

I arrestuari nga policia e Korçës është Olsi Lumi, 36 vjeç, banues në Qytezë të Devollt.

Arrestimi i tij u bë këtë të enjte, pasi në kohë të ndryshme përgjatë muajit tetor dhe nëntor, dyshohet se ka vjedhur pesë banesa, pronarët e të cilave janë emigrantë në shtetin grek. Konkretisht banesat e vjedhura janë në pronësi të shtetasve F.B., në Bilishtl; shtetases E.K., në fshatin Vërlen-Devoll, shtetasit Th.K., në fshatin Miras-Devoll; shtetases V.K., në Miras; shtetasit P.S., në Baban-Devoll.

Lumi akuzohet se në banesa ka vjedhur orendi dhe sende të ndryshme.

Ndaj të dyshuarit hetimet janë në vijim për të zbuluar raste të tjera ku mund të jetë përfshirë, ndërkohë që materialet i kaluan Prokurorisë së Korçës për ndjekje të mëtejshme. /a.y/noa.al

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.