U bllokuan se qarkullonin elementë kriminalë, por shikoni ku përfundojnë makinat luksoze

U bllokuan se qarkullonin elementë kriminalë, por shikoni ku përfundojnë makinat luksoze

Duket se automjetet e blinduara dhe luksoze që janë ndaluar nga policia këto muaj në kuadër të planit operacionial “Vjeshtë 2017”, qëndrojnë të sekuestruara.

Madje një pjesë e tyre i kthehen sërish pronarëve të cilëve u është ndaluar. Një gjë e tillë duket nga pamjet e publikuara nga ABC Neës, ku është fiksuar momenti kur dalin nga pika e bllokimit në Arbanë katër automjetet e sekuestruara nga Policia e Tiranës në Shtator të këtij vitit.

Paraprakisht gjatë ndalimit dhe sekuestrimit të tyre, policia e kryeqytetit kishte dyshime të forta se në to qarkullonin elemente kriminale.

Por hetimet u nisën dhe u mbyllën nga prokuroria e kryeqytetit, duke i kthyer automjetet e blinduara pronarit të tyre.

Më pas, siç shikohet edhe nga videoja, të njëjtat automjete lëvizin si eskortë edhe në qendër të Tiranës. (e.c/noa.al) www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.