U përplas nga automjeti në rrugë, ndërron jetë në spital këmbësorja

U përplas nga automjeti në rrugë, ndërron jetë në spital këmbësorja

Policia e Tiranës ka zbardhur detaje lidhur me aksidentin e ndodhur pasditen e sotme në kryeqytet ku një këmbësore ka gjetur vdekjen si pasojë e përplasjes nga një automjet.

Ngjarja ka ndodhur rreth orës 16:00, në bulevardin " Zhan Dark", ku Agron Dedja, 21 vjeç, duke drejtuar mjetin, ka aksidentuar një këmbësore e cila po kalonte rrugën.

Menjëherë pas aksidentit e dëmtuara u dërgua me urgjencë në gjendje të rëndë në spital për të marrë ndihmën e nevojshme mjekësore, por raportohet se ka ndërruar jetë si pasojë e plagëve të marra.

Policia e cila ka shkuar në vendin e ngjarjes ka bërë të mundur arrestimin e drejtuesit të mjetit, i cili pritet të merret në pyetje.

Gjithashtu edhe grupi hetimor po kryen veprimet e mëtejshme për zbardhjen e plotë të shkaqeve të aksidentit të rëndë. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.