16 mjekë angazhohen për të sjellë në jetë një foshnje, arsyeja ka habitur të gjithë (Foto)

Sa mjekë e infermiere mund të duhen për të ndihmuar një grua që të lindë fëmijën? Në rastin e kësaj nëne, përgjigja është 16.

Ekspertë nëpër provincën Hunan të Kinës u mblodhën për të ndihmuar një nënë, që të sillte në jetën fëmijën e saj. Ata duhet të ishin në sallë të operacionit për shkak se gruaja peshonte 139 kilogramë.

Për shkak të peshës së saj, ajo pati një sërë komplikacionesh gjatë shtatzënisë, që do të thotë se mjekët ishin të detyruar të bënin ndërhyrje cezariane, ndërsa në vetvete operacioni konsiderohej i rrezikshëm, transmeton tvklan.

Fotot e shkrepura në sallën e lindjes tregojnë mjekë dhe infermierë, të gjithë të angazhuar për të ndihmuar nënën e re.