Nga politika deri te orgazma

Njerëzit të cilët ndjekin lajmet dhe debatet politike kanë 13 për qind më shumë orgazëm sesa ata të cilëve nuk u interesojnë ngjarjet në skenën shoqërore.

Së paku, ky është konkludim i hulumtimit të sajtit Mach.com “Beqarët në Amerikë”.

Në hulumtim kanë marrë pjesë 5.504 beqarë, ndërkaq janë studiuar orientimet politike dhe shprehitë e tyre seksuale, transmeton Telegrafi.

Mirëpo, edhe zgjedhja e opsionit politik është e rëndësishme. Pra, ithtarët e Partisë Demokratike, të shumtën kërkojnë lidhje serioze, duke dëshiruar fëmijë dhe më parë do të presin personin e vërtetë, sesa t’i hyjnë me vrap dikujt në krevat.

Nuk presin seks në takimin e parë, por kanë dëshirë të gënjejnë kur është fjala për numrin e partnerëve me të cilët kanë ndarë shtratin.

Nga ana tjetër, ithtarët e republikanëve, janë dukshëm më të hapur për çështjet e seksit.

Besueshmëria që të kenë seks në takimin e parë është 12 për qind më e madhe sesa kur bëhet fjalë për ithtarët e demokratëve, ndërkaq shansi që të xhirojnë shkathtësitë akrobatike janë dy herë më të mëdha.

Më të prirë për eksperimentime janë simpatizantët e partisë së tretë në Amerikë, liberalët, të cilët nuk kanë asgjë kundër lidhjeve të hapura, por edhe lidhjet “treshe” nuk i refuzojnë.