I kërcet duart vazhdimisht? Verifiko nëse kjo është e dëmshme

Nëse je në grupin e atyre njerëzve që iu është bërë ves kërcitja e duarve, madje shpeshherë edhe në prani të njerëzve të tjerë, atëherë ka diçka që duhet ta dish.

Shumë njerëz thonë që kërcitja e duarve çon në artrit në një kohë të shkurtër, por kjo nuk duket të jetë shumë e qartë.

Nisur nga studimet e fundit, kërcitja e duarve NUK çon në artrit.

Ky rezultat ka dalë pasi nuk është gjetur një korrelacion i saktë mes njerëzve me artrit dhe atyre që kërcasin kyçet.

Megjithatë, në qoftë se ke artrit, kërcitja e duarve dobëson nyjat dhe e rëndon gjendjen edhe më shumë.

Nyjat, që lidhin gishtat me pjesën tjetër të dorës, kanë disa hapësira të mbushura me një lëng që quhet lëngu sinovial, i cili shërben si amortizues dhe lubrifikant – një element që u mundëson kockave lëvizjen pa u fërkuar me njëra-tjetrën.

Ndërsa kërcet kockat, ky lëng zgjeron hapësirën mes tyre dhe nyjave.

Në këtë mënyrë, lëngu sinovial do të shkojë në hapësirën e re të krijuar (ky moment është zhurma që dëgjon) duke dobësuar kështu edhe forcën e duarve për të vepruar.