Përmbytjet në Greqi, mes viktimave dhe një shqiptar

Përmbytjet në Greqi, mes viktimave dhe një shqiptar

Përmbytjet që përfshinë Greqinë ditëve të fundit kanë shënuar 19 viktima, ndërkohë që një tjetër rezulton i humbur.

Mësohet se mes viktimave është një shqiptar dhe konkretisht një djalë i ri nga Saranda.

Autoritetet greke konfirmojnë se ai është Petro Koleci, 29 vjeç, i cili rezultonte i zhdukur qysh prej së mërkurës.

Trupi i tij u gjet gjatë së shtunës, mes mbetjeve të përmbytjeve, i rrëmbyer nga rrjedha, nga ana e shërbimeve zjarrfikësve.

Ndërkohë shteti fqinj shpalli tre ditë zie kombëtare, si pasojë e fatkeqësisë natyrore të shkaktuar prej shirave të furishëm.

Më të prekurit prej përmbytjeve janë qytetaet e Mandra, Nea Peramos dhe Megara, të cilat ndodhen në perëndim të Athinës. Rreth 500 shtëpi janë shkatërruar, ashtu sikundër dhe qindra makina. /a.y/noa.al

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.