Djali pa nënën e tij në krevat me komshiun, ajo e mbyti me jastëk që mos tregonte

Djali pa nënën e tij në krevat me komshiun, ajo e mbyti me jastëk që mos tregonte

Një ngjarje e rëndë ka ndodhur në provincën Sakarya të Turqisë, ku një 40-vjeçare në bashkëpunim fqinjin ka mbytur me jastëk fëmijën e saj pasi i kishte parë në krevat sëbashku.

Zeynep K. u paraqit në polici ku njoftoi vdekjen e të birit 11-vjeçar të mërkurën.

“Djali im ka vdekur, është në shtëpi”, tha ajo në polici, denoncim pas të cilit forcat e policisë mbërritën menjëherë në vendngjarje, në distriktin Karasu.

I mituri Necmi Talha u dërgua menjëherë në spital, por pavarësisht ndërhyrjeve të mjekëve nuk u rikthye në jetë. Sipas ekzaminimeve të para, ai ishte mbytur me jastëk.

Agjencia turke e lajmeve “DHA” raporton se pas dyshimeve mbi ngjarjen, e ëma e fëmijës u vu në pranga.

Në dëshminë e saj të dytë, ajo pranoi krimin, ndërsa si shkak tha se ishte fakti që fëmija nuk kishte shkuar në shkollë.

Ndryshimi i dëshmisë solli dyshime të tjera tek hetuesit, që mësuan se me gruan kishte qenë edhe fqinji i saj moshatar, K.Y., i cili po ashtu përfundoi në pranga.

Ky arrestim bëri që gruaja të ndryshonte për herë të dytë dëshminë e saj dhe të pranonte se të birin 11-vjeçar e kishte mbytur me jastëk në bashkëpunim me fqinjin, pasi mëngjesin e së mërkurës i kishte parë në krevat sëbashku.

Ngjarja e rëndë ka shkaktuar një furi të madhe reagimesh në media dhe në rrjetet sociale. /k.k/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.