Fier, automjeti përfshihet nga flakët, nuk ka të lënduar

Fier, automjeti përfshihet nga flakët, nuk ka të lënduar

Një automjet e cila ishte në ecje e sipër në qytetin e Fierit është përfshirë nga flakët paraditen e sotme.

Ngjarja ka ndodhur në lagjen "Apollonia", në vendin e quajtur "Lulishtja", ku mjeti tip "Ford Fiesta" me drejtues shtetasin E.B., banues në Fier, ka marrë flakë.

Nga incidenti i ndodhur fatmirësisht nuk raportohet për njerëz të lënduar, përveçse dëme materiale.

Sipas informacioneve paraprake dyshohet se shkak i rënies së zjarrit mund të ketë qenë një shkëndije elektrike.

Shërbimet zjarrfikëse të cilat shkuan në vendin e ngjarjes bënë të mundur fikjen e flakëve të zjarrit.

Grupi hetimor në vendngjarje, po punon për zbardhjen e shkaqeve të rënies së zjarrit. /b.l/noa.al/

Foto arkiv

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.