Durrës, nëna denoncon zhdukjen e djalit të saj adoleshent

Durrës, nëna denoncon zhdukjen e djalit të saj adoleshent

Një adoleshent nga Durrësi, është denoncuar nga familjarët e tij në polici i zhdukur.

Gjatë ditës së djeshme nëna e tij, E.K., 37 vjeçe, banuese në lagjen nr. 13, ka kallëzuar në polici, se i është larguar nga banesa djali i saj 18 vjeç D.Z.

Nëna e tij tha para uniformave blu gjatë ditës së djeshme se i biri është zhdukur pa lënë gjurmë prej tri ditësh dhe se ajo nuk di ku ta kërkojë.

Pavarësisht kërkimeve të saj tek të afërmit apo shokët e tij, adoleshenti nuk dihet se ku është, duke u shprehur e shqetësuar për fatin e të birit.

Pas denoncimit të bërë nga nëna e 18 vjeçarit, policia vijon punën për gjetjen dhe kthimin e adoleshentit në banesë, ndërsa materialet i kaluan Prokurorisë së Rrethit Gjyqësor Durrës për veprime të mëtejshme./b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.