Çfarë s’u pa nga koncerti i Emeli Sande në Tiranë, i përshëndeti shqiptarët me simbolin e shqiponjës

Çfarë s’u pa nga koncerti i Emeli Sande në Tiranë, i përshëndeti shqiptarët me simbolin e shqiponjës

Qytetarët e Tiranës, por edhe ata që kishin ardhur nga rrethet për të kaluar Natën e Bardhë në Tiranë, patën mundësi mbrëmë që të ndjekin nga afër një nga zërat më të mirë të momentit, këngëtaren britanike, Emeli Sande.

“Clown”, “My kind of love”, “Hurts”, “Read all about it” ishin disa nga magjitë e Emeli Sande që ndezën Sheshin Skëndërbej.

Natyrisht që momenti që ngriti peshë mijëra të pranishmit që kishin mbushur si rrallë herë sheshin “Skënderbej”, ishte ai kur këngëtarja e njohur bëri shqiponjën dy krenare, simbolin që përfaqëson tashmë shqiptarët anembanë botës.

Natyrisht, në një ditë kaq të rëndësishme për shqiptarët siç është festa e çlirimit edhe këngëtarja me origjinë skoceze duket se është ndjerë po aq shqiptare sa edhe të gjithë ata që kishin mbushur sheshin për të ndjekur koncertin e saj.

Nuk munguan në këtë koncert edhe interpretimet e këngëtarëve shqiptar, Alban Ramosaj dhe Kamela Islamaj.

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.