Përfundon në spital me fytyrë të shpërfytyruar, burri e dhunonte për çdo “like” në Facebook

Përfundon në spital me fytyrë të shpërfytyruar, burri e dhunonte për çdo “like” në Facebook

Një grua nga Paraguai është detyruar t’i nënshtrohet një operacioni për rregullimin e fytyrës, pasi burri i saj xheloz e godiste atë çdo herë që dikush “i pëlqente” fotot e saj në rrjetin social Facebook.

Adolfina Camelli Ortigoza, 21 vjeç, ishte mbajtur kundër vullnetit të saj në shtëpinë e çiftit dhe i ishte nënshtruar rrahjeve të vazhdueshme nga bashkëshorti i saj 32-vjeçar, thonë policia.

Kur policia më në fund u alarmua, Ortigoza ishte keqtrajtuar aq shumë saqë trupi i saj dhe fytyra ishin shpërfytyruar dhe kërkonin me patjetër që e reja t’i nënshtrohej një operacioni kirurgjik.

Bashkëshorti është arrestuar me akuzën e dhunës në familje dhe të rrëmbimit. 32-vjeçari Pedro Heriberto Galeano, e rrihte gruan çdo herë që nga një miqtë e saj në “Facebook” “reagonte” për foton e postuar. Kohët e fundit, agresori kishte vendosur të merrte kontrollin e profilit të saj.

Megjithatë, për të mos fshirë postimet, Galeano vazhdonte të publikonte foto të gruas dhe për çdo “like” të ri, e dhunonte dhe e godiste.

“Kontrollonte gjithçka: mesazhet, fotot dhe e akuzonte se kishte një lidhje me çdo mashkull që i bënte ‘like’ në “Facebook’”, ka deklaruar për britaniken “Daily Mail”, avokati i Ortigozës, Arnaldo Martinez.

Ai që ka kuptuar dhunën dhe ka njoftuar policinë, ka qenë babai i djalit. Ortigoza, thonë hetuesit, ka rrezikuar edhe jetën. E kanë shpëtuar në spital, ku iu nënshtrua një ndërhyrjeje kirurgjikale me urgjencë.

Kockën e hundës e kishte të thyer dhe buzët të gjakosura. E reja nuk i kishte humbur dhëmbët, vetëm sepse i shoqi i vendoste në gojë një protezë mbrojtëse që të mos ulërinte gjatë dhunës së përditshme barbare.

Vajza e re iu nënshtrua operacioneve të rindërtimit të hundës dhe buzëve, ndërsa Galeano u kap dhe u akuzua për dhunë në familje dhe privim nga liria, krime që bartin një dënim maksimal prej 30 vitesh burg. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.