‘20 vjet bashkë, por jemi si në muajin e parë’: Eni Çobani i bën urimin special bashkëshortit

Juristja e famshme shqiptare dhe drejtuesja e rubrikës “Shihemi në gjyq” në emisionin “E diela shqiptare”, Eni Çobani, feston sot 20-vjetroin e martesës së saj.

Dhe në këtë ditë speciale, ajo i ka bërë një urim gjithashtu special dhe të mbushur me dashur bashkëshortit të saj, Avenir Shehu.

“Si sot 20 vjet më parë i thamë njëri-tjetrit ‘Po’ dhe sigurisht që vitet treguan që jeta është dhe bëhet e bukur kur ti ke në krah njeriun e duhur. Pacim jetë e gëzofshim sa më shumë si këto ditë Ave. 20 vjet është një jetë dhe që të flasësh duhet t’i jetosh. Kaluan dhe më duket se jemi në muajin e parë të lidhjes tonë.”-ka shkruar Çobani në përshkrimin e fotove ku shihet përkrah partnerit, duke dëshmuar kështu se vijon të jetë e dashuruar me të si në ditën e parë.