Kuriozitete
Shuajeni kurreshtjen, shikoni çfarë ka brenda Qabesë në Mekë (Foto/Video)
Kjo kabinë katrore në të cilën qarkullojnë dhjetëra e qindra besimtarë, në çdo moment, quhet Qabe. Bëhet fjalë për një sipërfaqe 180 metra katrorë.
Aty ndodhen tri shtylla prej druri, të cilat mbajnë tavanin e saj. Ato janë 1.350 vjet të vjetra. Midis tri shtyllave, ndodhet një shtyllë tjetër në të cilin qëndrojnë të varura dhuratat e Qabesë.
Dyshemeja e Qabesë është e punuar me mermer. Shumica e tij është e bardhë, dhe një pjesë më e vogël është me ngjyrë. Muret e brendshme të Qabesë, gjithashtu, janë bërë me mermer me ngjyra dhe të dekoruar.
Pjesa e brendshme është e mbuluar me një perde mëndafshi me ngjyrë të kuqe. Ajo ka tekst me ngjyrë të bardhë të qëndisur ku janë disa nga emrat e Zotit.
Brenda Qabesë janë tetë gurë të dekoruar me kaligrafi arabe duke përdorur dorëshkrimin “Thuluth” dhe një gur të dekoruar po me kaligrafi arabe duke përdorur shkrimin “kufik”, transmeton shekulli.
Ndiqni fotogalerinë tonë që të njiheni më nga afër me pamjen e Qabesë në Mekë…
