Aksident i frikshëm në mes të qytetit, përmbyset makina

Aksident i frikshëm në mes të qytetit, përmbyset makina

Një aksident i rëndë ka ndodhur këtë të enjte në Tiranë. Ngjarja ka ndodhur në mesditë, përkatësisht në afërsi të kopshtit botanik, në "Unazën e re", ku një automjet është kthyer përmbys.

Siç shikohet në foto, makina është kthyer përmbys në anë të rrugës, ndërsa deri më tani nuk bëhet e ditur nëse ka apo jo të lënduar.

Në vendin e ngjarjes ka mbërritur policia, e cila ka nisur hetimet. Paraprakisht dyshohet se shkak mund të ketë qenë lagështira në rrugë, për shkak të shirave të dendur që kanë përfshirë vendin.

Ndërkohë, aksidenti shkaktoi trafik të rënduar për disa minuta, teksa ndërhyrja e policisë riktheu normalitetin në këtë aks. (e.c/noa.al)

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.