Bartja e orës së shtrenjtë gjatë udhëtimeve, mund t’ju sjellë përparësi të shumta (Foto)

Matt Meltzer nga Miami i Shteteve të Bashkuara, i cili e ka hobi udhëtimin dhe e ka shëtitur gati tërë botën, ka bërë një hulumtim duke bartur orë të shtrenjtë.

Për një muaj me radhë, ai ka bartur orë luksoze që kushtojnë nga tremijë deri në dhjetëmijë dollarë, transmeton Telegrafi.

Derisa i ka pasur në dorë Blancpain Fifty Fathoms Bathyschape, Bell and Ross 03-92-S, apo Breitling Superocean Chronograph vëmendja dhe respekti për të ka qenë shumë më i madh.

Meltzer pretendon se atij i është dhënë përparësi në zgjedhjen e ulëses së aeroplanit si dhe ftesë në klasën e parë, ftesa për drekë dhe shumë femra kanë flirtuar me të.

“Mënyra se si më trajtonin ishte e pa pritshme. Sa herë që kisha problem me internet ma thërrisnin teknikun, kurse shërbyesit në aeroplan më jepnin më shumë lëngje dhe ëmbëlsira”, ka shkruar ai.

“Njerëzit e ulur në klasën e parë më flisnin dhe dëshironin të bisedonin me mua, kurse një natë filloi të flirtonte me mua një femër, e cila është e një niveli më të lartë se unë”.

Sipas tij, të pasurit e një ore të tillë ia vlen sepse vëmendja është shumë e lartë dhe të rritë vetëbesimin.