Bleona publikon videon e prapaskenave të realizimit të fotografive nudo (Video, +18)

Këngëtarja Bleona Qereti është bërë disa herë temë e mediave për shkak të fotografive provokuese që publikon në rrjetet sociale.

Vite më parë ajo realizoi një fotosion ku shfaqej komplet nudo, gjersa këto fotografi morën vëmendjen e të gjithë shikuesve në atë kohë.

Ndonëse kanë kaluar vite, por Bleona sërish kujton me mall realizimin e atyre fotografive, të cilat janë ndër më të rëndësishme për të në karrierën e saj.

Si çdo projekt që ka realizuar, edhe ky set fotografik është përcjellur me peripeci të ndryshme gjatë realizimit të tij, apo edhe të qeshura nga protagonistët.

Së fundmi, Bleona ka publikuar në llogarinë personale në Instagram një video, përmes së cilës ka shfaqur pikërisht disa nga këto momentet që e kanë shoqëruar gjatë realizimit të fotografive në të cilat u shfaq nudo.

Në njërin prej momenteve Bleona tenton të kap një fotografi shumë të bukur kur dallga vjen, kështu ajo i thotë fotografit ta shkrepë, por ai refuzon duke i thënë se nuk ka më vend, sepse kanë harxhuar një film të tërë.

Bleona u shpreh shume e entuziazmuar për publikimin e kësaj video nga seti i saj. /Telegrafi/